შეხვედრა ნაშთქოლის მოსახლეობასთან

8 ივნისს პროექტის გუნდი შევხვდით ნაშთქოლის თემის მოსახლეობას ნაშთქოლში. შეხვედრას ესწრებოდა 12 ადამიანი, მათ შორის იყო თემის უხუცესი გივი წერედიანი. 

შეხევდრაზე მოსახლეობას კიდევ ერთხელ გავაცანით პროექტის დეტალები, რის შემდეგაც ერთად დავადგინეთ მივიწყებული და არსებული სვანური დღესასწაულების აღნიშვნის დრო და ადგილი. პროექტის ფარგლებში დაგეგმილია დღესასწაულების კალენდრის გაკეთება.  კალენდრისთვის შეირჩა შვიდი დღესასწაული. შევადგინეთ დღესასწაულების მოკლე აღწერა, რაშიც ყველამ მიიღო მონაწილეობა.

შეხვედრაზე ჯგუფის ყველა წევრს განაწილებული ჰქონდა ფუნქციები. მარიამ წერედიანმა პროექტი გააცნო მოსახლეობას, ვასიკო ცინდელიანმა და გიორგი წერედიანმა მოსახლეობა მოიწვიეს შეხვედრაზე, ნინო წერედიანი წერდა შეხვედრის მნიშვნელოვან დეტალებს, ეკა ცინდელიანი იღებდა ფოტოებს. შეხვედრაზე დამსწრეებს შევავსებინეთ მონაწილეთა სია. შევადგინეთ შეხვედრის ოქმი. 

შეხვედრა ნაშთქოლში მოსახლეობასთან

ვაცნობთ პროექტის დეტალებს

ვმსჯელობთ დღესასწაულების დროზე,ადგილზე და შინაარსზე

ვიწერთ პროექტის დეტალებს

ბლოგის შექმნა

ბლოგის შექმნა

21 ივნისს CTC-ის თბილსის ოფისში პროექტის დირექტორს მარიამ წერედიანს  CTC-ის ზემო სვანეთის პროექტის ასისტენტმა გაუწია კონსულტაცია და ასწავლა ბლოგის შექმნა. შეიქმნა პროექტის დღესასწაულების აღდგენა ნაშთქოლის თემში” ბლოგი, სადაც განთავსდება ყველა სიახლე და ინფორმაცია პროექტთან დაკავშირებით და ასევე სვანური დღესასწაულების მოკლე აღწერა, რომელთა შესახებაც ინფორმაციას შევაგროვებთ პროექტის ფარგლებში. 

პროექტის გამარჯვება

3 მარტს CTC-ისდან პროექტის დირექტორს მარიამ წერეედიანს დაუკავშირდნენ და შეატრყობინეს,  რომ ჩვენი პროექტი მოხვდა გამარჯვებულთა შორის.  დაგვიბარეს, რომ გაეცნოთ ჟიურის რჩევები და შენიშვნები.

მოგვიანებით შევხვდით პროექტის ასისტენტს, რომლმაც გავაცნო შენიშვნები და მისი დახმარებით შესწორებები შევიტანეთ პროექტში. საბოლოდ შესწორებული პროექტი გადავეცით CTC-ის.  ამის შემდეგ, მოხდა ხელშეკრულების გაფორმება და პროექტის დაფინანსება. 

როგორ დავწერეთ პროექტი

CTC-პროექტის ’’ზემო სვანეთში სათემო ინიციატივებისხელშეწყობა ახალგაზრდებისა და ორგანიზებული ჯგუფების გაძლიერების მეშვეობით’’ ფარგლებში  2011 წლის დეკემბერში გამოცხადდა მიკრო საგრანტო კონკურსი ზემო სვანეთის ახალგაზრდებისთვის. კონკურსის შესახებ ინფორმაცია მომაწოდა ჩემმა მეგობარმა რის საფუძველზეც მივედი CTC-ცენტრში და იქ სრულად მომაწოდეს ინფორმაცია პროექტის ყველა დეტალთან დაკავშირებით. როგორც აღმოჩნდა საბოლოო პროექტების წარდგენამდე ერთი კვირა იყო დარჩენილი. მიუხედავად ამისა, მეგობრებმა შევქმენით ხუთ წევრიანი ჯგუფი და ერთობლივად დავიწყეთ პროექტზე მუშაობა.

ჩვენ დავწერეთ პროექტი სვანურ ტრადიციულ დღესასწაულებზე. მათი უმეტესი ნაწილი დავიწყებასაა მიცემული და გადავწყვიტეთ , მათი აღდგენა დაგვესახა მიზნად. პროექტის შინაარსი გავაცანით თემის მოსახლეობას და მათთან შეთანხმებით ჩამოვყალიბდით პროექტის საბოლოო იდეაზე.

მოგვიანებით, ჩვენი იდეები შევაჯერეთ, დავხვეწეთ, დავწერეთ პროექტი და წარვადგინეთ ცენტრში.